Om lag ein gong i månaden kjem eit nyheitsbrev frå styret som vert lagt ut her. Tidlegare nyheitsbrev finn du i Facebook-notat til Hødd handball (lenke)
Nyheitsbrev frå Hødd handball oktober 2020 Ulsteinvik 3. oktober 2020
Seriestart. J20 har allereie hatt ein super start på sesongen og toppserien for J16 startar komande helg. I slutten av oktober startar dei fleste andre med sine kampar, medan damelaget må vente nokre veker. Vi oppmodar alle om å nytte Minhåndball-appen for oppdatert oversikt over kampar.
Mobilisering for gutehandballen. Nokre G14-spelarar har slutta og difor ønsker vi å rekruttere nye spelarar. Kjenner du nokre gutar fødde i 2006, eller litt eldre som er interessert? Ta kontakt på sport@hoddhandball.no eller send ei melding på Facebook.
Nye rutinar for arrangement. Oppdaterte smittevernrutinar ved arrangement er lagt ut på hoddhandball.no. Her er lenke til ein presentasjon av rutinane. Sjå også oversikt for kamparrangement på heimesida.
Bestilling av kle og drakter. Per no blir det ikkje ein samla klubbkveld med sal av nye drakter og kleskolleksjonen. G-Sport Ulsteinvik tek i mot bestillingar - og vi oppmodar alle til å registrere seg som klubbkunde.
Ta koronakurs på nett. Norges idrettsforbund har laga eit koronavett-kurs for spelarar frå 13 år og eldre, og føresette til yngre utøvarar. Kurset er også for trenarar og lagleiarar og tek om lag ti minutt. Gå til e-kurset her.
Lisensbetaling. Fristen for å betale lisens gjekk ut 1. oktober. For dei spelarane som ikkje har starta med «kontakttrening», er fristen utsett til 9. oktober. Klubben har ei ordning der spelarar kan søke økonomisk hjelp/refusjon, eller anna hjelp. Ta kontakt på sport@hoddhandball.no
Kom på heimekampar ! Alle frå dei yngste mini-ane til dei vaksne damespelarane, synes det er kjekt med litt liv på tribuna. Trass i nye rutinar håpar vi mange tek turen til idrettshallane for å heie på våre lag. Følg med på Facebook-sida for kamparrangement framover.
PS! Tek du eit bilde eller ein video du vil dele med resten av klubben? Send ei melding på Facebook-sida, eller media@hoddhandball.no så kan vi dele vidare (hugs å spørje om lov av dei som er på bilde).
Følg med på vår Facebook-side og Instagram-profil for meir hyppige nyhende og bildeglimt. På www.hoddhandball.no finn du praktisk informasjon om aktivitetane i klubben.
‘Med helsing styret i Hødd handball